BE.288 Logu no.96
NA MARGURU DO LUHUTNA

Ayat 1
Na marguru do luhutna Di Jahowa Debatanta
Dohot panumpakNa i Nasa na marposni roha
Na mangkirim di Jahowa I do na martua. i

Ayat 2
Na marmudu nasailaon Au umbaen marhatuaon
Debatangku i tongtong Na ture manogu ahu.
Mian do tongtong di ahu Dohot tu joloan on

Ayat 3
Lan do dipasari jolma Na so tau hasonanganna
Jala na so hot muse Anggo sangkap ni rohangku
Debata naeng haposanku Na manompa sasude.

Ayat 4
Pangkirimon do pasonang Roha ni na marhaposan
Tu Jahowa Debata Ai tu asi ni rohaNa
Hupasahat do sudena Sai dibaen do na tama.

Ayat 5
Debata do na umboto Na ture di au na oto
Na martingki do sude Tung Ibana ajaranku ?
Tagamon undukkononku Nasa sibaenonNa pe.

Ayat 6
Tingki ni ariaringku Guru do di Debatangku
Sai rohaNa ma na saut Asal sahat au tu surgo
Lao tusi do au manggogo Songon batang aek tu laut.
